كتبت /شاهنده عزب
في تصريحات مثيرة وغير متوقعة، كشف محمود عبد العاطي "دونجا"، لاعب نادي بيراميدز، عن كواليس صادمة بشأن حالة زميله السابق في الزمالك، محمود حمدي "الونش"، مشيرًا إلى أن الأخير اضطر لبيع الكافيه الخاص به واستدان أموالًا من أجل تغطية تكاليف علاجه بعد إصابة قوية تعرض لها.
وقال دونجا في تصريح خاص: "الونش فلس، وباع الكافيه اللي كان شغال عليه، واستلف فلوس عشان يقدر يعالج نفسه، وكل ده في الوقت اللي زمايله في الفريق مش بيلعبوا وبيقبضوا 30 مليون جنيه في الموسم، فطبيعي هو كمان يدور على مصلحته".
وأضاف لاعب بيراميدز: "الناس بتحكم على اللعيبة من بره، بس محدش شايف اللي بيحصل جوه، في لعيبة بتتدمر وبتكافح علشان ترجع، والونش واحد منهم".
وتثير هذه التصريحات علامات استفهام عديدة حول العدالة في توزيع الرواتب داخل الأندية، والدعم المقدم للاعبين في أوقات الإصابة، خصوصًا أن الونش يعتبر من أعمدة خط دفاع الزمالك والمنتخب الوطني.