كتبت: فاطمة خالد
شهدت الحلقة الثانية من برنامج "رامز إيلون مصر" لحظات من الرعب والكوميديا، بعدما وقعت الفنانة زينة ضحية لمقلب رامز جلال.
بدأت الحلقة بإيهامها بأنها تشارك في تجربة علمية متطورة، لكنها سرعان ما بدأت تشعر بالتوتر قائلة: "هو في إيه؟! ليه كل حاجة غريبة كده؟!".
ومع تصاعد الأحداث، تحولت من الفضول إلى الذعر، وبدأت تصرخ: "يا نهار إسود! أنا حاسة إني هموت!". ولم يفوت رامز الفرصة للسخرية، قائلاً: "أي فنان يكون له هوية وشكل وطعم، والفنانة اللي جايبها عاملة زي القلقاس.. مش مفهومة ومش ماسكين لها شخصية!.
كما أضاف ساخرًا: "هي زملكاوية ولا أهلاوية؟! أصل اللي بيصرخوا كده بيكون عندهم صدمات من البداية وبيحتاجوا علاج!". وبعد اكتشاف المقلب، صرخت زينة وهي تمسك بشعرها: "إنت عاوز تخلص عليا؟! إنت كل سنة بتعمل فينا إيه؟!"، ثم انهالت على رامز بالضرب .
بينما هو يحاول الهروب قائلاً: "دي زينة مش محتاجة روبوت، دي محتاجة فريق إسعافات!".
وتفاعل الجمهور بقوة مع الحلقة، وتصدرت "ريأكشنات" زينة التريند، حيث جاءت بعض التعليقات الساخرة مثل: "صوت زينة وصل المريخ قبل إيلون ماسك!".
و"أول حد يطلع الفضاء بالصوت مش بالصاروخ!"*. ويعرض برنامج "رامز إيلون مصر" يوميًا في تمام الساعة 6:00 مساءً على قناة MBC مصر، والجمهور ينتظر من سيكون الضحية القادمة.