كتبت د/ مي حسام الحديدي
-ايه دا ...لا معلش ايه الكلام دا
يعني ايه اتكلم مع ابني ف حاجه زي كدا وازاي اعمل دا
طب_اقولك
يعني شئت ام ابيت لازم تعرف ابنك وتعلمه ثقافه جنسيه سمعاك يالي تقول لاء طبعا واحنا مجتمع شرقي ومينفعش افتح عين ولادي وولادي ف بيئه محترمه واسره محافظه الخ الخ
هقولك انت صح ولكن ٠٠٠
١- المحتوي الجنسي بيتقدم طوووول اليوم ومفيش فيلم ولا مسلسل ولا اعلان حتي ف التليفزيون الا وهو فيه مشاهد جنسيه متدرجه بقا م بسيط لشديد .
٢- المحتوي الجنسي بيتقدم للاطفال دلوقتي ف الكرتون...اه والله زي مبقولك كدا .
ومفيش كرتون الان مش قائم ع شخصيه بتعيش قصه حب وغيرها م المشاهد بردو .
٣- مين قال إن الأطفال التانين ال ف سن ابنك او اكبر شويه مش بيتكلموا ف امور شبيهه بكدا ودا معناه أن ابنك هياخد حد غيرك مصدر لمعلوماته ال اكيد هتكون غلط .
٤- المحتوي ال هتقدمه لابنك م المعلومات الجنسيه هيكون ليه شروط مش ك للأطفال زي بعض ودا هنوضحه بالتفصيل.
وفى_المقالات_القادمه
اول حاجه هنتكلم عنها المحددات ال يجب توافرها ف الطفل علشان تقدمله محتوي م الثقافه الجنسيه المناسبه ليه