كتبت / سلمى هانى
استضافت الإعلامية ياسمين عز، الفنانة سهير رمزي في برنامجها كلام الناس، المذاع علي شاشة MBC مصر، في تمام الساعة 12 مساءًا، في كل يوم من أيام شهر رمضان .
ويرصد جورنال 24 الإخباري، التصريحات التي أدلت بها الفنانة سهير رمزي خلال الحلقة:
_ جوزي بيغير عليا غيرة غيرة الراجل الشرقي.
_ أنا من معجبين مني ذكي، وياسمين صبري، ومنه شلبي، وزينة.
_ تعبت في المرتين اللي اتجوزتهم فأي حد بيتقدملي بطلب إن العصمة تبقي في إيدي.
_ الغيرة كانت ممكن تدمرني في أحد زيجاتي، كان بيعلق علي كل حاجة.
_ مكنتش بعرف اطبخ ومبعرفش أعمل بيضة وجوزي كان بيشجعني.
_ مشوفتش أبويا غير مرة واحدة في حياتي، وكان عندي 13 سنة لأنه انفصل عن زوجتي وبعدها توفي.
_ كنت ببين شعري وبحط ميكب فكان لازم أقلع الحجاب.
_ الألقاب مبتفرقش معايا وكانوا بيسموني الأيس كريم الدافئ.
_ ندمت اما رفضت الخلفه... وبستعين بالقطط بدل الأطفال.
_ كنت حابه التمثيل اوي واني اقعد 9 شهور حامل ده كان مرفوض بالنسبالي.
_ عيلتي كلها كانت أمي، كانت بالنسبالي روحي وحبي الأول و الأخير.
_ بقول لأي حد أمه موجودة ارجوك خلي بالك أوي لأنها لايمكن تتعوض.
_ أحمد زكي فتي أحلام اي بنت وكان نفسي بس اتعرف عليه، وحسن فهمي واد تقيل وكان جميل وخلوق في شغله.
_ اي راجل بيعاشرني كان بيتمسك بيا، عشان كده قررت إن العصمه تكون في إيدي.
_ ملابس الفنانات بقت شبه قمصان النوم وبدل الرقص... أومال هنلبس اي في أوضة النوم.
_ بنام وبصحي بدري علي شوية بوتكس وفيلر.
_ المنتجين استغلوني... وبزعل من لقب ممثلة إغراء.
_ مليش في السهر وعمري ما شربت سيجارة.
_أجهضت ثلاث مرات بسبب حبي للفن، وأتبني أطفال وارعاهم بعد.
والجدير بالذكر أن سهير رمزي اعتزلت الفن وارتدت الحجاب في عام 1993، لكنها عادت بعدها بعدة سنوات للتمثيل مرة أخري، ولكن ظهرت هذه المرة بالحجاب من خلال مسلسل "حبيب الروح".